2012年5月2日星期三

:+:+:生炒糯米飯:+:+:(附食譜)

陳米好鐘意食糯米飯, 天氣一凍凍地佢就會關心問我攰唔攰....之後就會話如果我得閒既就整糯米飯比佢食~~

一般黎講....呢D咁既要求....我都會係有求必應既...不過係睇下佢要等幾耐JA~~~呵~~

呢個話難唔難...但係要真係生炒唔出貓...真係會手仔軟架~~


材料:

蛋1隻 - 打好~
糯米 2碗- (6小時用凍水浸, 隔水準用) - 我通常都係前一晚訓前浸定~
臘腸臘肉 - (用熱水快手拖水後, 切粒粒準用)
冬菇 - (早一晚用凍水浸軟, 切粒粒準用), 唔夠時間浸既...就用熱水浸啦...一陣就得架喇, 唔係會冇唒D菇菇味架)
蝦米 - (凍水浸軟, 可隨意切細粒), 不過我冇切到~
蔥花 - 隨量 (我次次都落好多, 但係都有人話....丫~~~如果再多D蔥就好了~~因為我宜家食好多蔥架~!!!
..真係呆左~)
甜醬油- 1湯匙老抽+1湯匙生抽+1湯匙水+1茶匙鹽+2茶匙糖混合即可
水- 1碗
麻油- 少許

做法: (全程大約30分鐘~)

1. 防痴底PAN落少少油燒熱~(我最鐘意用唔痴底既PAN了) 落雞蛋液煎好, 其間唔洗反轉, 由得佢平均O係個PAN度煎好就得了) - 放涼切絲準用~
2. 原PAN落兩滴油放臘腸臘肉粒粒炒至出油(唔好咁大火呀!!)再落冬菇蝦米粒粒炒至乾身有香味即可, 盛起準用~
3. 原PAN落糥米, 炒至乾身(冇喳喳聲即係乾身啦!!), 落少少水...KEEP住炒, 之後再乾身, 落少少水蓋蓋大約2分鐘, 再重覆.
4. 糥米飯開始黏就可能落臘腸臘肉冬菇蝦米粒粒一齊炒.
5. 再轉細火落少少甜豉油, 快手炒慢慢加甜豉油即可.
6. 熄火試味同埋飯既軟度, 調O岩味, 落少少麻油(我偏愛麻油)再拌入蔥花就可以上碟了~
7. 加埋蛋絲就夠唒靚仔了~


  • 留言者: Double Iron Legs
  • Email: litzcheung@yahoo.com.hk
  • 網址:
  • 日期: 2012-05-03 18:09:34
我都好耐沒有整~
[版主回覆05/03/2012 18:14:18]嘻嘻~~我都係要夾番天時地理先整架JA....物以罕為貴~~

沒有留言:

發佈留言