2014年3月22日星期六

:+:+:酸辣拍青瓜:+:+:(附食譜)

有時慣左三餸一湯...真係幾鍾意三餸的..

唔洗夾黎夾去都係嗰兩碟...

不過放工有時難免會攰攰地唔想整複雜野...

呢排天氣暖番好多...

又係時候出動少少涼拌菜式...

今次係簡單都不得了的....

 酸辣拍青瓜!


先調校左個酸辣汁先啦~~

材料有(多至少): 蒜蓉+涼拌醋+砂糖+麻油+生抽+水+辣椒油

拌勻之砂糖溶後試試味...再慢慢就番自己口味

拍青瓜, 當然真係拍的啦...

涼粉子覺得拍的青瓜出黎大小不一, 又會入味好多..

比切的青瓜好味好多...!


青瓜件加入酸辣汁中拌勻, 放入雪櫃大約15分鐘就OK了~


開飯前整呢個黎加餸就真係夠唒方便而醒胃呀~!


2 則留言: