2014年4月16日星期三

:+:+:雪菜肉絲鍋米:+:+:(附食譜)

小時候去飲茶好多時都會嗌個炒野~

我自己就好多都好鍾意食...如果叫湯粉麵的話, 新年時通常都會叫個鴻圖伊麵

問我我會話雪菜火鴨絲湯米, 如果婆婆有份飲茶的話就多會叫個雪菜肉絲湯米~

突然間, 痴起條筋好想食~!! (應該係懷念那些年的日子症狀又發作~)

哈哈哈~

材料及做法: 

米粉先用清水浸軟

(如果英國有天鵝仔米粉賣就好了~~~)


好方便的罐頭雪菜 - 用左大約120克~


切碎~


豬面頰肉 - 250克


切絲~


英國豬有肉燥味....用清水浸浸會好好多~~


之前涼粉外家發現左支MAY姐雞汁~
問涼粉媽係咪睇完MAY姐要黎撈沙律之後忍唔住手買一支
佢笑住話我痴痴地~~~

買雞粉送架喎~~

哈哈哈哈哈~~

見有喺度, 落左少少要黎豬肉


除左雞汁,仲加左胡椒粉, 鹽, 糖, 生抽醃豬肉~


麻油即係香港帶回來的, 因為我在涼粉家煮食時搵唔到麻油....

買左呢個後,涼粉弟話佢地宜家食開佢在新加坡出差買番黎的麻油王...

唔要食呢個....哼~~~

拎走咪拎走囉~!


煮前再加入麻油及生粉拌勻~


大火加油燒熱鍋後轉小火加入雪菜炒至略為乾身~~


加入肉絲~


炒至轉色後盛起備用~


浸完的米粉隔水~


鍋內加入滾水及雞粉~ (唔好落太鹹呀~)
加入米粉及雪菜肉絲煮滾後即成~!


加少少蔥花更加香噴噴...

陳大少愛辣...所以又加左切碎左一隻指天椒~!!


陳大少竟然未食過呢個湯米, 佢話估唔到好好味喎~!!!

4 則留言:

  1. 發覺自從我整咗D醬油麴嚟醃豬肉,D 英國豬就無晒肉燥味!

    回覆刪除
    回覆
    1. 嘩~~你咁勁自己整~?? 我淨係有時用現成鹽麴咋~!!!

      刪除
  2. 涼粉子好勤力呀!想食就去煮,就算步驟多多都難妳唔到!
    我屋企飲茶時通常都係叫乾炒牛河架! :)

    回覆刪除
    回覆
    1. 乾炒牛河都好正呀呀呀~!!! 我前幾晚先煩住陳大少整比我食~!!

      刪除